Partia Demokratike thotë se tashmë është vërtetuar se zgjedhjet e 30 qershorit ishin votime moniste. Në një dalje për mediat nga selia blu, sekretari Gazment Bardhi tha se kjo është shprehur qartë edhe nga Këshilli i Evropës.

Sipas tij kriza politike mund të zgjidhet vetëm me zgjedhje të parakohshme dhe të ndershme.

Gazment Bardhi: Janë organizatat ndërkombëtare ato që kanë dalë në të njëjtin përfundim me opozitën se votimet moniste nuk i shërbyen demokracisë në Shqipëri dhe se vetëm zgjedhjet e parakohshme, të lira dhe të ndershme mund të zgjidhin krizën politike. Në emër të Partisë Demokratike, përshëndes qendrimin e Këshillit të Europës në mbrojtje të lirisë së votës, si një nga vlerat themelore demokratike, mbi të cilat funksionojnë shoqëritë europiane./oranews.tv/