Lideri i Partisë Euroatlantike të Kosovës, Milaim Zeka, ka thënë se njëra nga kandidatet për deputete nga partia e tij, është kërcënuar.

Ai përmes një postimi në Facebook, ka njoftuar se rasti është paraqitur në Polici, derisa ka shtuar se organet e drejtësisë duhet ta zbulojnë këtë rast në mënyrë që t’u iket spekulimeve dhe etiketimeve.

Ai tutje shton se si parti, i kanë pistat e tyre të dyshimit, por se do të heshtin deri në momentin e mbylljes së hetimeve.

“Deputetet e Partisë Euroatlantike të Kosovës janë vënë përpara një presioni dhe shantazhi të madh. Sot, njëra nga deputetet femra është kërcënuar me familje, ‘nëse nuk tërhiqet nga PEK dhe nëse nuk i fshinë të gjitha postimet ngaFacebook i sajë”, thuhet në njoftimin e PEK-ut.