Gjashtë raste të dhunës në familje janë raportuar gjatë 24 orëve të fundit në Kosovë.

Katër prej tyre sipas policisë kanë ndodhur vetëm në rajonin e Prishtinës. Ndërkaq dy të tjera janë raportuar në Ferizaj dhe Istog.

Raporti i plotë i policisë:

DHUNË NË FAMILJE

· Graqanicë 19.12.2023 – 16:00. Është arrestuar i dyshuari mashkull kosovar pasi që i njëjti nën ndikim të alkoolit ka shkaktuar dhunë në familje kundër viktimës femër kosovare me të cilën bashkëjeton. Me vendim të prokurorit i dyshuari është dërguar në mbajtje.

· Fushë Kosovë 19.12.2023 – 12:00. Është arrestuar i dyshuari mashkull kosovar pasi që i njëjti nën ndikim të alkoolit e ka sulmuar fizikisht bashkëshorten e tij viktimën femër kosovare. Me vendim të prokurorit i dyshuari është dërguar në mbajtje.

· Podujevë 19.12.2023 – 21:00. Dy viktimat femra kosovare (nëna dhe vajza) kanë raportuar se pas një mosmarrëveshje janë sulmuar fizikisht nga bashkëshorti, përkatësisht babai i tyre i dyshuari mashkull kosovar dhe si pasojë kanë pranuar tretman mjekësor. Palët janë intervistuar dhe me vendim të prokurorit i dyshuari është arrestuar dhe dërguar në mbajtje.

· Podujevë 19.12.2023 – 18:00. Viktima femër kosovare ka raportuar se pas një mosmarrëveshje në familje është sulmuar fizikisht nga njerka e saj e dyshuara femër kosovare, e cila si pasojë ka pranuar tretman mjekësor. Palët janë intervistuar dhe me urdhër të prokurorit janë liruar, rasti në procedurë hetimore.

Istog 18.12.2023 – 17:00. Është arrestuar i dyshuari mashkull kosovar i cili pas një mosmarrëveshje në familje ka ushtruar dhunë fizike ndaj bashkëshortes së tij viktimës femër kosovare duke i shkaktuar lëndime trupore. Viktimës i është ofruar ndihmë mjekësor dhe më pas është dërguar në shtëpi, ndërsa pas intervistimit me vendim të prokurorit, i dyshuari është dërguar në mbajtje.

Ferizaj 19.12.2023 – 11:00. Është arrestuar i dyshuari mashkull kosovar (me probleme shëndetësore-psikike) nën dyshimin se i njëjti ka ushtruar dhunë fizike ndaj prindërve të tij, të cilët ndjehen edhe të frikësuar nga i dyshuari. Me vendim të prokurorit, i dyshuari (i cili më herët ka qenë edhe në tretman mjekësor-psikiatrik) është dërguar në mbajtje.