Për Asociacionin diskutohet në Mitrovicë të Veriut

Prishtinë | 21 Nën 2017 | 12:54 | Nga

Në veri të Mitrovicës po mbahet tryeza e mundësuar nga organizatat Aktiv dhe Grupi për Ballkanin – BPRG.

Në këtë tryezë, tema janë marrëdhëniet ndërmjet Kosovës dhe Serbisë, si dhe ndikimi në serbët kosovarë dhe në implementimin e Marrëveshjes së Brukselit.

Këtu u diskutua për gjetjet e raportit “Asociacioni / Bashkësia e Komunave me Shumicë Serbe , zgjidhjet e qëndrimeve të kundërta e shqiptarëve dhe serbëve.

Këtu po merr pjesë ish-zëvendësministri i pushtetit lokal, Bajram Gecaj, si dhe deputeti i Listës Serbe në Kuvendin e Kosovës, Igor Simiq.

Ky i fundit tha se themelimi i asociacionit të komunave me shumicë serbe është thelbi i zbatimit të Marrëveshjes së Brukselit.

Derisa në anën tjetër Gecaj tha se ky asociacion duhet të bëhet në përputhje me Kushtetuten e Kosovës, derisa shtoi se qeverisja e kaluar i kishte ftuar këta të fundit për të folur për modulet e krijimit të këtij asociacioni në përputhje me kushtetuten, por serbët nuk iu ishin përgjigjur.

Ai tha se burimi kryesor në raportet Kosovë- Serbi është mosnjohja nga kjo e fundit karshi realitetit të ri të Kosovës shtet.

Të ngjashme