Ballkani e ka pësuar humbje në ndeshjen e radhës në Ligën e Konferencës.
Në stadiumin “Fadil Vokrri”, Ballkani ishte sonte nikoqir i Slavia Pragës.
Ndeshja e vlefshme për grupin G i takoi çekëve me rezultat minimal 0:1.
Golin e vetëm dhe të fitores për mysafirët nga Praga e shënoi Lingr në minutën e 75-të.
Ishte kjo humbja e tretë e skuadrës suharekase në fazën grupore të kësaj gare.
Me këtë humbje, Ballkani ka humbur gjasat për kualifikim tutje.
Ndeshjen e radhës dhe të fundit në grupe, Ballkani e luan në javën tjetër në Rumani ndaj Clujit.