Andrea Pirlo e ka pranuar se ai do të zgjidhte përsëri për të trajnuar Juventusin, edhe pse ai nuk priste të shkarkohej.

Juventusi sot (e premte) njoftoi shkarkimin e Pirlos pas sezonit të tij të parë si trajner i tyre.

Massimiliano Allegri është i gatshëm të zëvendësojë ish-mesfushorin në stolin e klubit Bianconer, ndërsa Pirlo ka folur tashmë pas shkarkimit.

“Sezoni im i parë si trajner ka mbaruar. Ishte një sezon i komplikuar dhe i mrekullueshëm në të njëjtën kohë”, fillon Pirlo shkrimin e tij në Instagram.

“Kur më thirri Juventusi, unë kurrë nuk kam menduar për rreziqet, edhe pse ato ishin mjaft të dukshme. Respekti për këtë klub mbizotëroi dhe e njëjta gjë vlen edhe për dëshirën time për të luajtur në nivelet më të larta”.

“Nëse do të kthehesha në kohë, do të bëja të njëjtën zgjedhje, përkundër të gjitha pengesave që duhej të përballesha, lidhur me një situatë të vështirë për të gjithë, e cila nuk më lejonte të planifikoja zgjedhjet e mia dhe të ndiqja stilin tim të lojës”.

“Sidoqoftë, unë i arrita qëllimet e kërkuara. Kjo aventurë përfundoi në një mënyrë që nuk e prisja, por e ka bërë edhe më të qartë të ardhmen time”.

“Shpresoj se do të jetë plot me të njëjtën kënaqësi që kam pasur si futbollist. Është koha të filloj përsëri dhe të përballem me sfida të reja, unë dua të falënderoj ata të familjes Juventus që më mbështetën gjatë sezonit”, përfundoi italiani.