Një person ka mbetur i plagosur pas të shtënave në Sibovc të Podujevës, raporton EkonomiaOnline.
Policia e Kosovës ka njoftuar se rasti ka ndodhur të mërkurën teksa i plagosuri është dërguar për tretman mjekësor në QKUK.
I dyshuari për tentim vrasje është dërguar në mbajtje.
“Është arrestuar i dyshuari mashkull K-Shqiptar, pasi që i njëjti ka shtënë me armë zjarri në drejtim të viktimës mashkull K-Shqiptar. Si pasojë viktima ka pësuar lëndime trupore dhe i njëjti është dërguar për tretman mjekësor në QKUK. Në vendin e ngjarjes njësiti policor ka konfiskuar armën TT me një karikator me 6 fishekë. Me vendim të prokurorit i dyshuari dërgohet në mbajtje”, thuhet në njoftimin e Policisë së Kosovës.