Tetë persona mbetën të plagosur në një aksident rrugor në hyrje të qytetit të Sarandës. Mësohet se ngjarja ka ndodhur pasditen e djeshme.

Një automjet tip Benz u përplas me një makinë tip Land Rover i cili ka përfunduar i përmbysur anës rrugës.

Të plagosurit u transportuan në spitalin e Sarandës.

Policia e Sarandës njofton sot se ka arrestuar në flagrancë një shtetas 28 vjeç, banues në Tepelenë për “Shkeljen e rregullave të qarkullimit rrugor”.

Arrestimi i tij u bë pasi ditën e djeshme në aksin rrugorë Gjashtë-Sarandë, 28 vjeçari duke drejtuar automjetin Mercedes Benz ka goditur dhe është përplasur me automjetin Land Rover, me drejtues shtetasin kosovarë B.B.

Si pasoje kanë mbetur të dëmtuar dy drejtuesit e mjeteve dhe gjashtë pasagjerë, të cilët janë jashtë rrezikut për jetën.

Njoftimi i policisë:

Sarandë

Policia ka arrestuar në flagrancë për “Shkeljen e rregullave të qarkullimit rrugorë”, shtetasin:

Th., 28 vjeç, banues në fshatin Veliqot, Tepelenë.
Arrestimi i tij u bë pasi ditën e djeshme në aksin rrugorë Gjashtë-Sarandë, 28 vjeçari duke drejtuar automjetin Mercedes Benz ka goditur dhe është përplasur me automjetin Land Rover, me drejtues shtetasin kosovarë B.B.

Si pasoje kanë mbetur të dëmtuar dy drejtuesit e mjeteve dhe gjashtë pasagjerë, të cilët janë jashtë rrezikut për jetën.

(Total: janë dëmtuar 8 persona)

Materialet iu referuan Prokurorisë në ngarkim të tij për veprime të mëtejshme