Ngasësit e veturave tash e tutje do të kenë kontrolle më të shpeshta nga ana e Policisë së Kosovës. Në shumicën e rasteve policia vozitësve ua bënë edhe testin nëse janë në ndikim të alkoolit.

E që të ketë sasi më të mëdha të pajisjeve për t’i bërë këto matje, Policia e Kosovës ka shpallur tender për furnizim me alkotesta.

I gjithë ky investim PK’së do t’i kushtojë 31 mijë e 812 euro.

Në përshkrimin e kontratës të publikuar në Komisionin Rregullativ të Prokurimit Publik thuhet se me anë të këtij tenderi do të bëhet furnizim me alkotesta.

Furnizimin me to do ta bëjë operatori ekomomik, “Dardani”. Kontrata do të nënshkruhet më 29 shtator.