Policia e Kosovës ka shpërthyer në mënyrë të kontrolluar mjetin shpërthyes që është gjetur të shtëpia e kryetarit të Komisionit shtetëror për Demarkacion, Murat Meha, në lagjen “Dardania” të Prishtinës.

Gjatë ditës së sotme, Policia e Kosovës e ka rrethuar shtëpinë e Murat Mehës, pasi që e kanë gjetur një mjet të pashpërthyer dhe pas disa minutash e kanë deaktivizuar atë.

Përveç policisë në vendin e ngjarjes janë Njësia për Trajtimin e Mjeteve Eksplozive, IEDD, zjarrfikësit dhe auto-ambulanca.

Për shkak të sigurisë, policia ka mbyllur për pak kohë të gjitha lokalet në afërsi, te vendi i quajtur “Kroi i Bardhë” në kryeqytet.

Fotot: Ekonomia Online