Shefi i Grupit Parlamentar të LDK-së, Avdullah Hoti, përmes një publikimi në rrjetin social Facebook, ka fajësuar Kryetarin e Kuvendit, Kadri Veseli për shkelje të rregullores së Kuvendit për mbajtjen e seancave.
“Seanca e jashtëzakonshme e Kuvendit të Kosovës, e kërkuar nga opozita, u anulua. Është obligim kushtetues që Kuvendi të mblidhet kur atë e kërkojnë një e treta e deputetëve”, ka thënë Hoti.
“Kryetari i Kuvendit e ka obligim të krijojë kushtet për mbajtje të seancës sipas kërkesës të 40 deputetëve. Ai e pamundësoi mbajtjen e seancës duke mos e hapur seancën në orën e kërkuar, si dhe duke mos e autorizuar asnjërin nga të pesë nënkryetarët e Kuvendit”.