Kuvendi i Kosovës, në parim, ka miratuar projektligjin për pagën minimale, ku nuk hyjnë veteranët. Lidhur me këtë, ka reaguar deputetja nga radhët e AAK-së, Albana Bytyqi.

Ajo tha se Lëvizja Vetëvendosje ka bashkëpunuar me Listën Serbe për të miratuar këtë projektligj, që “përjashton kategorinë më të çmuar të vendit tonë, veteranët”.

Bytyqi tha se nuk befasohen me veprimet e Qeverisë, pasi sipas saj, befasi do të ishte “nëse do të qëndronin në parimet e kauzat e premtuara para se të vinin në pushtet

Postimi i plotë:

Skajshmërisht e turpshme deri ku ka arritur poshtërsia e pushtetit. Sot ky pushtet që ‘’refuzonte’’ bashkëpunimin me Listën Serbe, u bënë bashkë për të miratuar projektligjin që përcakton pagën minimale dhe përjashton kategorinë më të çmuar të vendit tonë, veteranët.

Në fakt, tashmë asgjë nuk është befasi nga kjo Qeveri. Befasi do të ishte nëse do të qëndronin në parimet e kauzat e premtuara para se të vinin në pushtet.