Deputetja e Partisë Demokratike të Kosovës (PDK), Blerta Deliu-Kodra, ka thënë se Zyra e Auditorit ka konfirmuar pretendimet e kësaj partie për korrupsionin në institucione, raporton Ekonomia Online.
Deputetja e PDK-së ka ftuar Prokurorinë t’i hetojë këto afera korruptive, sidomos në Ministrinë e Liburn Aliut.
“Në emër të PDK-së do të ngre shqetësimin për auditorin, i cili për 3 muaj pas pretendimeve tona për korrupsion u konfirmuan nga zyra e auditimit. Janë gjetur mangësi të mëdha për tender. Tejkalim i pagesave për kontrata publike. Auditori i brendshëm i ka kërkuar ministrisë së Infrastrukturës ta anulojë tenderin për autostrada të Kosovës. Mediat kanë nxjerrë përgjime për aferë korruptive në ministrinë e infrastrukturës për rrugën Dollc-Gjakovë. Edhe pagesat për shpronësime, auditori ka gjetur disa shkelje. PDK fton Prokurorinë të veprojë dhe t’i hetojë këto afera në këtë ministri”, tha ajo.