Anëtari më i ri i PDK-së në Komisionin Qendror të Zgjedhjeve, Arianit Elshani ka votuar kundër propozimit të kolegëve të tij për të ngritur shtesat dhe privilegjet e tjera.
Elshani ka thënë se është e pakuptimtë të rriten pagat dhe privilegjet e përfaqësuese politikë në KQZ, ndërkohë që ky institucion ka më shumë nevoja të tjera.
Propozimi i hedhur në votim u votua nga të gjithë anëtarët e partive tjera si Lëvizja Vetëvendosje, LDK, AAK, NISMA dhe minoritetet.
Ja sa planifikohet të kushtojnë zgjedhjet në Podujevë
Komisioni Qendror i Zgjedhjeve miratoi Planin e Buxhetit për zgjedhjet e jashtëzakonshme për kryetar të komunës së Podujevës që do të mbahen më 15 mars 2020.
Sipas këtij planifikimi, këto zgjedhje pritet t’i kushtojnë buxhetit të Kosovës 491 mijë e 517 euro.
Ky buxhet është planifikuar duke paraparë edhe mundësinë që të ketë raund të dytë të zgjedhjeve.
Çështja e planifikimit të buxhetit nuk ka kaluar pa debate. Ka qenë anëtari i ri i PDK-së, Arianit Elshani, i cili ka sfiduar kolegët e tij anëtarë duke propozuar që shtesat për orarin e zgjatur të punës t’i takojnë vetëm punëtorëve të këtij institucioni, por jo edhe përfaqësuesve politik. Ky propozim nuk u mbështet nga të gjithë.