Daut Haradinaj nga radhët e AAK-së, ka folur për partneritetin e Kosovës me ShBA-në pas vizitës së kryeministrit Kurti dhe ish-kryeministrit Haradinaj në ShBA.
Në ‘Rubikon’ të Klan Kosovës, Haradinaj tha se është e pamundur të shkëpusësh kontratën gazit amerikan dhe njëkohësisht të jesh aleat i Amerikës.
“S’mundemi me qenë aleat e partner me ShBA-të e në të njëjtën kohë të shkëpusim kontratën gazit Amerikan”.
“Amerika është aksionare në lirinë e Kosovës, pavarësimin dhe Ushtrinë e saj, kjo nuk ndryshon”, tha Haradinaj.
Ndërsa për vizitën e kryeministrit në ShBA, Haradinaj deklaroi se Kurti apeloi për ardhjen e taksive, sikur Kosova të mos kishte probleme tjera.
“Kryeministri Kurti gjatë vizitës në ShBA, apeloj për ardhjen e taksive, thuajse Kosova nuk ka probleme tjera”, u shpreh ai.
Haradinaj ka shtuar se infrastruktura është parakusht për zhvillimin ekonomik, dhe se kjo qeveri sipas tij e ka lënë krejt anash këtë temë.
“Shihni rrugën Dollc – Gjakovë që e lidh me zonen e lirë ekonomike amerikane në çfarë gjendje e ka lënë kjo qeveri”.
“Infrastruktura është parakusht për investime, shembull e kini kompaninë Komodita në Gjakovë që sot i ka të punësuar mbi 4 mijë punëtor”, është shprehur Haradinaj.