Ambasador gjerman Jörn Rohde, gjatë fjalës së tij në Konferencën “Si mund të përfitojnë komunitetet jo shumicë nga Zvogëlimi i Barrës Administrative”, ka thënë se përfshirja e komuniteteve e sidomos e grupeve pakicë ka qenë në fokus të projektit, raporton Ekonomia Online.

Ambasador Rohde ka theksuar se përmes GIZ-it ofrojmë ndihmë për të reduktuar barrën e administrative dhe për ti digjitalizuar disa shërbime për qasje më të lehët dhe efikase të qytetarëve.

“Dua të shpreh përgëzimin tim për autoritet kosovare sidomos për Zyrën tuaj Kryeministër për përpjekjet për ti harmonizuar proceset administrative duke thjeshtësuar barrën administrative që vetëm ju rritë efikasitetin por e ndihmon edhe zhvillimin ekonomik. Përmes bashkëpunimit strategjik mes BE-së dhe Kosovës, ne përmes GIZ ofrojmë ndihmë për të reduktuar barrën e administrative dhe për ti digjitalizuar disa shërbime për qasje me të lehët dhe efikase të qytetarëve. Përfshirja e komuniteteve e sidomos e grupeve pakicë ka qenë në fokus të projektit dhe përpjekjet tona duhet të dalin përtej efikasitetit”, ka thënë ai.

Zëvendës Ambasadorja e BE-së në Kosovë Eva Palatova, ka thënë se janë këtu për të mbështetur një Kosovë shumë etnike, ekonomikisht shumë të qëndrueshme që bashkëpunon me rajonin.

“Më lejoni të theksoj se ne si BE jemi këtu për të mbështetur një Kosovë shumë etnike, ekonomikisht shumë të qëndrueshme që bashkëpunon me rajonin. Dua thjeshtë ti përmend tri elemente kryesore që nga këndvështrimi ynë janë kyçe për reduktimin e bazës administrative të ballafaquar nga njerëz të rëndomtë. Pika e parë më e rëndësishme janë të drejta gjuhësore. Kosova ka legjislacion i cili nëse zbatohet plotësisht krijon mundësi për qytetarët të komunikojnë në dy gjuhët zyrtare gjuhën shqipe dhe serbe. E dyta çfarë kërkohet një bashkëpunim më i mirë ndërinstitucional, e sidomos nga komunat dhe qeveria qendore. Ne kuptojmë se bashkëpunimi i mirë nga të gjitha komunitetet nga secila pjesë e Kosovës, ky bashkëpunim është kyç dhe ndihmon forcimin e lidhjeve të Kosovës dhe forcon shoqërinë civile. Së treti BE është e angazhuar në reformimin e administratës publike që është kyçe, është arritur përparim në reduktimin e barrës administrative”, ka thënë ajo. 

Lexo edhe:

Kurti: Kosova ka nevojë për një qeverisje efikase që përmbush nevojat e qytetarëve