Kurti për balotazhet: Synojmë e dëshirojmë që të fitojmë

Prishtinë | 28 Tet 2021 | 13:20 | Nga Fitore Berisha Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryeministri dhe njëherësh kreu i Vetëvendosjes, Albin Kurti, në një prononcim për Ekonomia Online, tha se janë duke punuar që raundi i dytë i zgjedhjeve lokale, i cili mbahet më 14 nëntor, të zhvillohet sa më mirë.

Kurti shtoi se Qeveri do të garantojnë zgjedhje demokratike të lira e fer. Kur u pyet për rezultatin që pret nga këto zgjedhje, ai theksoi se Vetëvendosje synon dhe dëshiron që të fitojë.

“Ne do të përpiqemi që të shkojë gjithçka në rregull sa i përket procesit zgjedhor, që të mos ketë incidente, të jenë zgjedhje demokratike, të lira e fer”.

“Si Qeveri e Kosovës jemi në mbështetje të institucioneve, mekanizmave shtetërorë që të organizojmë zgjedhjet. Ne natyrisht synojmë e dëshirojmë që të fitojmë”.

Lëvizja Vetëvendosje në raundin e parë nuk e fitoi asnjë Komunë. Ndërsa në balotazh, kandidatët e saj garojnë në 12 komuna.

Sipas rezultateve përfundimtare të publikuara të enjten, nga KQZ-ja, raundi i dytë i zgjedhjeve për kryetarë do të mbahet në këto 21 komuna: Gjakovë, Drenas, Gjilan, Dragash, Istog, Kaçanik, Klinë, Fushë-Kosovë, Kamenicë, Obiliq, Rahovec, Podujevë, Prishtinë, Prizren, Shtime, Viti, Vushtrri, Malishevë, Junik, Mamushë dhe Kllokot.

Në raundin e parë që u mbajt me 17 nëntor, PDK fitoi katër komuna; LDK – dy dhe AAK – dy.

Lista Serbe ka fituar më së shumti komuna në këto zgjedhje lokale. Kjo parti ka arritur të fitojë në nëntë komuna, të cilat janë të banuara me shumicë serbe.

Lexo më shumë:

Të ngjashme