Ushtruesja e detyrës së shefes të Grupit Parlamentar të VV-së, Mimoza Kusari Lila, ka folur në emisionin Pressing në T7 për zhvillimet e sotme në Kuvend.

VV arriti që të shkarkojë bordin e AKP-së, ndërkohë që vetë kryeministri Albin Kurti bëri të ditur se AKP do të shuhet e tëra.

Pasi u votua me 65 vota për shkarkim të Bordit, deputetët e VV-së u panë duke duartrokitur dhe festuar.

Kusari tregon pse u shfaqën gjithë këto emocione pas një votimi të thjeshtë për shkarkim të një bordi publik.

“AKP ishte skandaloze dhe shuarja e saj është gëzim i madh për pozitën”, tha ajo.

Tutje ajo foli për disa skandale që kanë dalur si pasojë e punës së këtij AKP-së.

Ajo po ashtu tha se plani i Kurtit është që të japë pronat publike për shfrytëzim e jo për shitje.