Presidentja e Kosovës, Vjosa Osmani ka shkuar në ambasadën franceze në Prishtinë për t’u takuar me përfaqësuesin e posaçëm të Francës për Ballkanin Perëndimor, René Troccaz.

Troccaz po qëndron në Kosovë është takuar me kryeministrin, Albin Kurti, si dhe me presidenten Vjosa Osmani.

Për këtë në platformën X ka treguar ambasadori francez, Olivier Guerot.

”Shumë i nderuar të pres Presidenten Vjosa Osmani-Sadriu për një shkëmbim të parë me të dërguarin special të Francës René Troccaz @troccazrene. Shkëmbim shumë i mirë për marrëdhëniet tona dypalëshe dhe për mbështetjen Francës në nivelin më të lartë për dialogun e lehtësuar nga BE”, ka thënë Guerot.

Franca është aktive edhe në procesin e dialogut në mes Kosovës dhe Serbisë, madje shpesh direkt përmes presidentit të saj, Emmanul Macron.

Very honoured to host President Vjosa Osmani-Sadriu for a first exchange with 🇨🇵 Special Envoy René Troccaz @troccazrene. Very good exchange on our bilateral relations and on the 🇨🇵 support at the highest level to the EU facilitated dialogue. pic.twitter.com/eutw6cYFkq

— Ambassadeur Olivier Guerot (@Olivier_Guerot) November 20, 2023