Prokuroria Speciale e Kosovës përmes një njoftimi për media ka bërë të ditur se  nuk ka gjetur prova të mjaftueshme  lidhur me pohimin e disa qytetarëve  nga lagjja”Dardania” në Prishtinë se ministri i bujqësisë, Nenad Rikalo ka keqtrajtuar këta qytetarë  gjatë luftës në Kosovë.

 Më poshtë lexoni njoftimin e plotë:

Prokuroria Speciale e Republikës së Kosovës, njofton opinionin se në bazë të raportimeve të mediave lidhur me pohimin e disa qytetarëve nga lagja “Dardania” në Prishtinë, për keqtrajtimet nga ministri i bujqësisë, Nenad Rikalo gjatë luftës në Kosovë, Prokuroria Speciale e Republikës së Kosovës, ka autorizuar Policinë e Kosovës për grumbullimin e informatave të nevojshme.

Në bazë të rezultatit të hetimit preliminar Prokuroria Speciale e Republikës së Kosovës, ka vlerësuar se nuk ka prova të mjaftueshme për ekzistimin e veprës penale për krime lufte. Në rast paraqitjes eventuale të provave të reja prokuroria mund të hapë një hetim të ri.