Pushimi i parë i kombëtareve të sezonit është shumë pranë – por do të jetë shumë ndryshe nga zakonisht.

Tradicionalisht, pushimet e kombëtareve kanë zgjatur dy javë, me secilën kombëtare që ka zhvilluar nga dy ndeshje gjatë këtyre dy javëve.

Por kjo dritare e kombëtareve do të zgjasë tri javë, nga 21 shtatori deri më 9 tetor, me kombëtaret evropiane që do të zhvillojnë nga katër ndeshje në fazën e grupeve të Ligës së Kombeve.

Duke pasur parasysh kohëzgjatjen e pazakontë, pushimi i kombëtareve në tetor është eliminuar dhe është bashkuar me atë të shtatorit.

Seria e radhës e ndeshjeve të kombëtareve pas kësaj do të zhvillohet në nëntor, me kombëtaret që do të luajnë nga dy ndeshje brenda dy javësh.

Për kombëtaret evropiane, dritarja e nëntorit do të shënojë dy ndeshjet e fundit të fazës së grupeve të Ligës së Kombeve.

Ky ndryshim u bë pjesërisht për shkak të përfundimit të vonshëm të Kupës së Botës, e cila përfundoi më 19 korrik – duke u bërë data më e vonshme në të cilën ka përfunduar turneu që nga viti 1966.

Me mirëqenien e lojtarëve si shqetësim kryesor, u vlerësua se një pushim, në vend të dy, do të ndihmonte në reduktimin e stresit dhe lodhjes së shkaktuar nga udhëtimet ndërkombëtare.

Kjo do të jetë veçanërisht e mirëpritur për lojtarët që duhet të udhëtojnë mes kontinenteve për të luajtur për kombëtaret e tyre, si lojtarët me bazë në Evropë që përfaqësojnë kombëtare të Amerikës së Jugut dhe Afrikës.

Më e rëndësishmja, kombëtaret nuk do të zhvillojnë më shumë ndeshje sesa do të kishin zhvilluar normalisht – gjashtë ndeshje do të luhen gjithsej nga tani deri në Krishtlindje.

Ky kalendar i ri ndërkombëtar, i miratuar nga FIFA në mars të vitit 2023, do të mbetet në fuqi të paktën deri në vitin 2030.

Kombëtarja e Kosovës do të luajë katër ndeshje në këtë periudhë.

“Dardanët” e presin Republikën e Irlandës më 24 shtator, derisa më 27 shtator i shkon Austrisë.

Më 1 tetor do të luajë ndaj Izraelit si mysafire, deri këtë dritare të ndeshjeve ndërkombëtare e mbyll me Austrinë në shtëpi, më 4 tetor.

Këto ndeshje i përkasin Ligës së Kombeve, me Kosovën që është në Ligën B