PSG-ja interesohet për Hysajn

Prishtinë | 26 Shk 2021 | 15:07 | Nga Ekonomia Online

Ekipi nga Ligue 1, Paris Sanit-Germain, po monitoron situatën e mbrojtësit shqiptar Elseid Hysaj te Napoli. ESPN ka shkruar të premten se PSG-ja ka shprehur interesim për transferimin e Hysajt në fund të këtij edicioni.

Raportohet se drejtori sportiv i ekipit francez, Leonardo, tashmë ka nisur kontaktet me përfaqësuesin e Hysajt duke pasur parasysh se mbrojtësit të Shqipërisë i skadon kontrata me Napolin në fund të sezonit.

Më herët, agjenti i Hysajt ka paralajmëruar largimin e klientit të tij nga ekipi italian pasi ka refuzuar rinovimin e kontratës.

Te PSG-ja, Hysaj po shihet si opsion i lirë për repartin defensiv. Hysaj 27-vjeçar këtë edicion ka 15 ndeshje dhe dy asistime për Napolin në të gjitha garat. Ai këtij ekipi iu bashkua nga Empoli për 15 milionë euro.

Fjalë Kryesore:

Të ngjashme