Protesta para objektit të Qeverisë së Kosovës kanë paralajmëruar të diplomuarit e Degës së Psikologjisë në Universitetin e Prishtinës, shkruan sot Koha Ditore.

Kjo pasi po konsiderojnë se nuk po u jepet mundësia që të punësohen në profesionin e tyre si psikologë në shkolla.

Një protestë e kishin mbajtur edhe vitin e kaluar para Ministrisë së Arsimit, Shkencës dhe Teknologjisë (MASHT), me ç’rast ishin takuar me ish-ministrin, Arsim Bajrami, i cili u kishte premtuar se do të përpiqej të gjente një zgjidhje për ta.

Por nga ajo kohë të diplomuarit e kësaj dege thonë se nuk është bërë asnjë lëvizje dhe kanë mbetur rrugëve.