Drejtori i Përgjithshëm i Policisë së Kosovës, Rashit Qalaj, me rastin e përmbylljes së fushatës humanitare “Dhurimi Vullnetar i gjakut në PK”, ka pritur në takim drejtoreshën e Qendrës Kombëtare të Kosovës për transfuzionin e gjakut, Bukurie Zhubi, e cila me këtë rast i dorëzoi mirënjohje drejtorit të Policisë.

Sipas njoftimit, Zhubi e falënderoi drejtorin Qalaj dhe Policinë e Kosovës për përkrahjen që kanë ofruar për realizimin e fushatës së dhurimit vullnetar të gjakut nga Policia ndërsa drejtori shprehu gatishmërinë që këto fushata janë të mirëseardhura dhe Policia gjithmonë do t’ju përgjigjet me kënaqësinë më të madhe.