Qeveria e Kosovës ka miratuar krijimin e numrit unik identifikues për bizneset, raporton Ekonomia Online.

Kjo u bë në mbledhjen e rregullt të ekzekutivit, ku u shqyrtua projekt-udhëzimi administrativ për caktimin e kërkesave, kushteve dhe procedurave për krijimin e numrit unik identifikues.

Ministri i Tregtisë dhe Industrisë, Endrit Shala, tha se miratimi i këtij udhëzimi ndërlidhet me programet e reformave ekonomike.

“Miratimi këtij udhëzimi administrativ ndërlidhet me programet e reformave ekonomike, udhëzimi u hartuar në përputhje me rregulloren e qeverisë së Kosovës duke pas parasysh rëndësinë e këtij udhëzimi për të bërit biznes kërkoj të aprovohet nga ju”, tha Shala, raporton Ekonomia Onlione.