Qendra Klinike Universitare e Kosovës (QKUK) ka njoftuar hapjen e Shërbimit të ri të Toksikologjisë, që do të ofrojë analiza të avancuara dhe pajisje moderne për diagnostikimin e rasteve të intoksikimit.

Këtë e bëri të ditur, Drejtori në Qendrën Klinike Universitare të Kosovës (QKUK), Osman Hajdari, i cili njofoti se me këtë shërbim, do të monitorohen përqendrimet e barnave terapeutike në gjak dhe do të identifikohen rastet e abuzimit me droga dhe substanca të rrezikshme.

Sipas tij, ky hap inovativ do të sigurojë trajtime të nivelit ndërkombëtar, duke ofruar kujdes të shpejtë, të sigurt dhe efikas për pacientët.