Sipas deklarimeve të pasurisë në Agjencinë Kundër Korrupsionit, kryetari i Prishtinës, Përparim Rama, po del të jetë goxha i pasur. Madje, më i pasuri nga kryetarët e komunalë.

Pasuri të paluajtshme, ai ka deklaruar tri banesa, një shtëpi, dy rezidenca, një objekt biznesi, një vilë dhe dy toka.

Njëra prej shtëpive të tij, kushton mbi 2 milionë euro, një rezidencë kap shifrën e afër 5 milionë, ndërkohë një tjetër mbi 1 milion euro, transmeton Klankosova.tv.

I pari i Prishtinës, posedon një veturë të tipit Tesla e cila ka kushtuar 83 mijë e 600 euro dhe një tjetër BMW X5, 7 mijë euro.

Ai madje ka edhe koleksion prej 400 pikturash të trashëguara nga familja, që kapin vlerën e 4 milionë euro .

Rama ka deklaruar edhe vlerën e aksioneve në shoqëri komerciale. Ndërkohë, kryetari i kryeqytetit, ka në bankë mbi 46 mijë euro.