Siria me 12 gazetarë të vrarë dhe Meksika me 11, kryesojnë listën e vendeve më të rrezikshme për gazetarët, thuhet në raportin e publikuar nga Reporterët pa Kufij.

Raporti përmban shifrat për vitin 2017, ku thuhet se 64 gazetarë janë vrarë këtë vit, shifër kjo më e ulët për 18 për qind se ajo e vitit 2016.

Sipas Reporterëve pa Kufij, 26 gazetarë u vranë gjatë punës së tyre nga sulmet ajrore, bombat vetëvrasëse dhe 39 janë vrarë qëllimisht pasi raportimi i tyre kërcënoi interesant politike, ekonomike ose kriminale, shkruan REL.

Ndërsa, tri vendet e tjera më të rrezikshme në botë për gazetarët janë Afganistani, Iraku dhe Filipinet. Në burgje ende mbeten rreth 300 gazetarë, kryesisht në Turqi, Siri, Iran dhe Vietnam.