Kandidati për deputetë nga radhët e AAK-së në Kuvendin e Kosovës, Rexhep Kadriu, ka mbështetur me mjete financiare gjestin e një qytetari për zgjerimin e rrugës në Përlepnicë të Gjilanit, shkruan Ekonomia Online.

Pasi, sic tha Kadriu, qytetari ka lëshuar pronën private dhe ka ndihmuar më mjete financiare për zgjerimin e rrugës nw fjalë.

Me tej, Kadriu njoftoj se ky projekt është financuar nga Ministria e Infrastrukturës dhe Transportit në bashkëpunim me Komunën e Gjilanit.

Ai theksoi se Kosova mund të zhvillohet e të integrohet vetëm duke parë interesin e përgjithshëm.

Postimi i plotë i Kadriut në Facebook:

Haxhi Nuhi Mehmeti nga Përlepnica, prishë objektin, lëshon pronën private, madje jep 2000 euro për zgjerimin e rrugës, ndërsa unë i bashkangjitem këtij gjesti madhështor me 1000 euro. Nuk ka popull më fisnik e më të ndershëm se shqiptarët, vetëm duhet që ti udhëheqë dikush i ndershëm, që vërtetë e do vendin, e do popullin e vet.

Ky projekt është i financuar nga Ministria e Infrastrukturës dhe Transportit (MIT), në bashkëpunim me Komunën e Gjilanit. Raste të tilla si ky ka shumë gjithandej Kosovës, dhe kjo na bënë të veçantë nga popujt tjerë. Familjet shqiptare, me fanatizëm e ruajnë nderin, respektin, humanizmin dhe ndihmën ndaj tjetrit ndër breza.

Kosova zhvillohet, integrohet dhe bëhet shtet 100% vetëm duke nxjerrë në pah interesin e përgjithshëm.

Kosova po bëhet!