Aeroporti ndërkombëtar i Shkupit dhe aeroporti “Shën Pali” në Ohër prej sot sërish janë të hapura për fluturime të udhëtarëve, pas pauzës nga mesi i muajit mars si pjesë e masave për parandalimin e përhapjes së virusit Covid-19.

Në dy aeroportet zbatohen protokolle të reja sipas rekomandimeve nga Komisioni për Sëmundje Infektive.

Nisjet e para nga aeroporti i Shkupit janë paradite për në Bremen, Larnaka, Stockholm dhe Koln, ndërsa i realizon Wizz Air, ndërsa aterrimet e para janë nga Stambolli të kompanive ajrore Turkish Airlines dhe Pegasus.

Aeroporti “Shën Pali” në Ohër, megjithatë fillon me fluturime pasdite për kur janë paraparë fluturime dhe aterrime për dhe nga Zurich dhe Milano.

“Shën Pali” në Ohër megjithatë fillon me fluturime pasdite për kur janë paraparë fluturime dhe aterrime për dhe nga Zurich dhe Milano.

Charter fluturimet e para në aeroportin e Ohrit do të realizohen më 5 korrik edhe atë nga dhe deri në Warsawa,ndërsa më 25 korrik nga dhe deri në Amsterdam, njofton Alsat-M.

Për shkak të protokolleve të reja për punë, udhëtarëve u rekomandohet që të arrijnë në aeroport të paktën tre orë para kohës për nisje, që të kenë kohë të mjaftueshme për t’i përfunduar procedurat.

Nga TAV Maqedoni thonë se sipas masave të reja për mbrojtje nga koronavirusi udhëtarët detyrimisht duhet t’i respektojnë tre rregulla – vazhdimisht të mbajnë maska , vazhdimisht të mbajnë distancë dhe nivel të lartë të higjienës.

Sipas protokolleve, ndalohet që qytetarët të ulen afër njëri tjetrit në zonat për nisje, arritje dhe dalje dhe prandaj në atë vende ulëset janë të shënuara që të mbahet distancë fizike.