Rita Ora besohet se ka filluar lidhjen me aktorin Andrew Garfield.

Gazeta britanike “The Sun”, raporton se këngëtarja me prejardhje nga Kosova është në fazën fillestare të lidhjes me ish-aktorin e filmit “Spider-Man”, tre muaj pasi u nda nga Andrew Watt.

Një burim i ka thënë gazetës se këngëtarja u ka folur shokëve për romancën e re para një muaji ndërsa këto ditë janë nxehur gjërat mes saj dhe aktorit.

“Janë ditët e para [të lidhjes] por ata pëlqejnë njëri-tjetrin. Orari i angazhimeve i vështirëson gjërat, por kanë një lidhje të mirë”, ka thënë ky burim.

Rita në emisionin “Jonathan Ross Show” konfirmoi se është ndarë nga i dashuri i saj Andrew Watt.