Rita Ora ka ndarë me ndjekësit disa fotografi të reja nga vera e saj, duke sjellë momente nga pushimet në disa prej destinacioneve më të bukura të Evropës.

Këngëtarja 35-vjeçare publikoi të dielën në Instagram një seri fotografish, në të cilat shfaqet me bikini, përfshirë edhe disa momente nga udhëtimi i saj më i fundit në Ibiza, ku po pushon së bashku me bashkëshortin, Taika Waititin.

Çifti ka kaluar disa ditë në një jaht luksoz në shoqërinë e miqve, ndërsa Rita tërhoqi vëmendjen me paraqitjen e saj në një bikini të vogël ngjyrë argjendi, teksa pozonte në bord, shkruan DailyMail.