Këngëtarja shqiptare me famë ndërkombëtare, Rita Ora, ditë më parë paralajmëroi rikthimin në muzikë.

Ajo ka bashkuar forcat me yllin David Guetta, Gunna dhe reperin argjentinas Khea, projekti i të cilëve pritet të publikohet më 12 shkurt (e premte).

Derisa kanë mbetur edhe pak ditë nga lansimi i klipit, 30 vjeçarja ka ndarë një tjetër pjesë të shkurtër të kësaj kënge.

Në bazë të publikimit, krijuesja e hitit “Let You Love Me” duket se ka promovuar veshjet tradicionale shqiptare.

Në fragmentin e ndarë në rrjete sociale, Rita shfaqet me veshje të tillë së bashku me pjesëmarrësit e videoklipit të saj.

“Edhe katër ditë”, ka qenë përshkrimi i videos – ku tregon se ka vendosur ‘link-un’ edhe në biografi të Instagramit për të pasur qasje më të lehtë në momentin e lansimit.

Për projektet e Ritës, ditë më parë në një bisedë ‘live’ me Vjosa Osmanin deklaroi edhe e ëma e saj, Vera Ora, duke treguar se është në përgatitje të këtij projekti dhe se do të involvojë traditën e trashëgiminë kulturore.

“Rita është shumë mirë, ka plane të mëdha, do ta ketë një projekt së shpejti, që do ta involvojë traditën dhe trashëgiminë kulturore, është diçka që Rita do të punojë ende për vendin e saj, ka një film që do transmetohet në Angli dhe në botë, një ditë do të ketë rastin të vij, të krenohet me origjinën e saj, shpresoj që do të takohemi së shpejti në një koncert”, përfundon Vera Ora.

https://www.instagram.com/p/CLClHr8H7ke/?utm_source=ig_embed