Mbase më parë nuk keni dëgjuar për emrin Rene Caovilla, por megjithatë, sandalet në formë gjarpri, mund t’i keni parë me qindra herë në këmbët e Bella Hadid e Rihannas.

Marka “Rene Caovilla”, drejtor ka Edoardo Caovillan, që është dizajneri i parë italian në botë që ka sjell në trend sandalet në formë gjarpri.

Ai thotë se e veçanta e këtyre sandaleve është se sa herë që të famshmet i mbathin ato, duan t’i ekspozojnë, pra kujdesen që t’i sheh çdokush.

Suksesi i këtyre sandaleve daton qysh para 100 viteve e më tepër.

Familja Caovilla ka punuar sandale të tilla në Fiesso D’Artico, një qytet jashtë Venedikut, për gati njëqind vjet.

Thonë se janë frymëzuar nga Cleo, që daton qysh para krishtit. Janë frymëzuar nga gjarpri romak që është i mbështjellë në kyçin e dorës, një byzylyk.

Në vitin 1975 këto sandale u ekspozuan për herë të parë në MoMA në New York, e sot, janë nga sandalet më të shitura në botë.