Petrit Selimi, ish Ministër i Jashtëm i Kosovës, ka reaguar pasi që QUINT-i gjatë ditë së sotme ka bërë thirrje që Kosova të respektojë dhe zbatojë vendimin e Kushtetueses për Manastirin e Deçanit.

Selimi përmes një postimi në “Twitter”, ka thënë se, sipas tij, aleatët e Kosovës po thonë se zbatimi i vendimit përfundimtar të gjykatës për kishën e Deçanit, është një “parakusht” për integrimin e Kosovës në Këshill të Evropës dhe në NATO.

“Mënyra si e lexova unë, dhe më besoni, kjo është mënyra e vetme për ta lexuar, aleatët tanë kyç dhe të domosdoshëm thonë se zbatimi i vendimit përfundimtar të gjykatës të vitit 2016 për kishën e Deçanit, është një “parakusht” për integrimin në KiE, NATO, etj. Një mesazh i vështirë, por është një kërkesë e njohur prej vitesh”, ka thënë Selimi.

Way I read it – and trust me, this is the only way to read it – our key and indispensable allies are saying the implementation of 2016 final court decision on Decani church, is a "precondition" to integration to CoE, NATO, etc. A tough message but it's a known demand for years. https://t.co/gEXfbLV6nx

— Petrit Selimi (@Petrit) May 20, 2022