Shakira u shfaq plot shkëlqim gjatë një daljeje në Miami, vetëm pak ditë pasi bëri komente të rralla dhe të sinqerta për ndarjen e saj të bujshme nga ish-partneri, Gerard Pique.
Këngëtarja 49-vjeçare tërhoqi vëmendjen teksa mbërriti në Hotel Shelborne për një aktivitet në kuadër të Javës së Notit në Miami. Ajo u shfaq me një fustan të shkurtër portokalli që vinte në pah format e saj, të kombinuar me çizme të bardha me taka të larta dhe syze dielli në të njëjtën nuancë.

Paraqitja e saj vjen në një periudhë të suksesshme profesionale, ndërsa artistja po shijon jehonën e projektit të saj më të fundit muzikor dhe përgatitjet për performanca të rëndësishme ndërkombëtare.

Së fundmi, Shakira foli edhe për fundin e marrëdhënies së saj me Pique, duke e cilësuar atë periudhë si një nga më të vështirat në jetën e saj. Çifti, që kanë dy djem, Milan dhe Sasha, konfirmuan ndarjen në qershor të vitit 2022, mes raportimeve se ish-futbollisti kishte qenë i pabesë.

Pavarësisht sfidave personale, Shakira vazhdon të mbetet një nga emrat më të suksesshëm në industrinë muzikore, duke dëshmuar se ka lënë pas krahëve një kapitull të vështirë të jetës së saj.