Drejtori i përgjithshëm i OBSH-së, Tedros Adhanom Ghebreyesus ka thënë se spitali kryesor në Gaza duhet të mbetet funksional, pasi disa organizata ndihmash tërhoqën stafin mjekësor nga objekti duke përmendur rritjen e aktivitetit ushtarak izraelit.

Ghebreyesus u shpreh se spitali Al-Aksa në qytetin e Deir al-Balah është spitali më i rëndësishëm që ka mbetur në Gaza dhe kërkoi objekti, stafi i tij, pacientët dhe familjet e vendosura në mjediset e këtij spitali të mbrohen, shkruan CNN, transmeton Klankosova.tv.

“Tre muaj pas këtij konflikti, është e paimagjinueshme që kjo nevojë më thelbësore, mbrojtja e kujdesit shëndetësor të mos sigurohet”. është shprehur ai.

Tutje, ai në deklaratën e tij tha se asnjë spital nuk është duke funksionuar plotësisht në veri të Gazës.