Vazhdon të rritet numri i rasteve dhe viktimave nga Coronavirusi. Sipas raportimeve të fundit, numri i rasteve në mbarë botën ka shkuar në katër milionë e 14,436. Numri i të vdekurve, ka shkuar në 276 mijë e 251 persona.

Derisa, numri i pacientëve të shëruar në mbarë botën ka shkuar në një milion e 387,230. Shtetet e Bashkuara vazhdojnë të kenë numrin më të lartë të rasteve dhe vdekjeve. Në SHBA në total janë 1 milion e 322,163 të infektuar dhe 78,616 të vdekur nga Covid-19.

Spanja renditet e dyta ku në total ka 260,117 raste dhe 26,299 të vdekur. Italia renditet e treta me 217,185 raste në total dhe 30,201 të vdekur. Pas Italisë renditet Britania e Madhe me 211,364 raste dhe 31,241 raste.

Rusia renditet në vendin e pestë me 187,859 raste në total por ka një numër të ulët të vdekjeve me 1,723 të vdekur. Pas Rusisë renditet Franca me 176,079 raste dhe 26,230 të vdekur.