Ne të gjithë e dimë se vitamina C është një pjesë thelbësore e dietës sonë, por a e dini se çfarë masash mund të merren në shtëpi për të parandaluar mungesën e vitaminës C?

A jeni person që lëndohet shumë lehtë? A i duhet trupit tuaj një kohë të gjatë për të shëruar plagët? A ju gjakoset mishi i dhëmbëve gjatë pastrimit të tyre? Nëse përgjigja për të gjitha këto pyetje është po, atëherë mund të keni mungesë të vitaminës C, shkruan EO.

Simptomat e mungesës së kësaj vitaminë, si mavijosja, gjakderdhja e mishrave të dhëmbëve, lodhja dhe të tjerë, mund të mos jenë të dukshme në fillim pasi ato mund të ndodhin për arsye të tjera mjekësore, prandaj është mirë që të konsultoheni me mjekun para se të hamendësoni më shumë.

Sidoqoftë, ka shumë mënyra se si mund ta parandalojmë mungesën e vitaminës C duke ndjekur zakone të thjeshta të të ngrënit në shtëpi. Kjo është arsyeja pse kemi gjetur disa fruta dhe perime lehtësisht të disponueshme, që mund t’i shtoni në dietën tuaj të përditshme për ta parandaluar mungesën e kësaj vitamine.

Agrumet

Agrumet janë të pasura me vitaminë C që është shumë e mirë për imunitetin dhe formimin e kolagjenit, i cili është esencial për shëndetin e lëkurës dhe eshtrave.

Papaja

Papaja është e pasur me lëndë ushqyese antioksiduese, si karotenet, flavonoidet dhe vitamina C. Papaja shijohet më së miri e freskët, në formën e një sallate ose mund të shtohet në lëngje. Kjo frutë është gjithashtu e njohur për vetitë e saj anti-bakteriale.

Domatja

Domatet janë burim i mirë i vitaminës A dhe vitaminës C. Dhe këta dy përbërës ndihmojnë trupin t’i largojë radikalet e lira të dëmshme të cilat gjenden në gjakun tonë. Për të absorbuar vitaminën C në sistem, ato duhet të hahen dhe kjo është arsyeja pse përfshijmë domate në gatimin e përditshëm.

Dredhëza

Dredhëzat nuk janë vetëm të pasura me antioksidantë, por janë gjithashtu një burim i mirë i vitaminës C. Një dredhëz përmban sasi më të madhe të kësaj vitamine se një portokall. Dredhëzat mund t’i shtoni në dietën tuaj përmes pijeve të njohura si ‘smoothies’.

Brokoli

Brokoli gjithashtu përmban sasi të mirë të vitaminës C. Sipas dietologëve, perimet me pak kalori janë një depo e mineraleve thelbësore antioksidantë.