Fillimi i vitit 2022 nisi me një lajm të keq; Izraeli njoftoi për disa raste të infektuara me një virus që u emërua ‘Florona’.

Virusi ‘Florona’ u definua si një virus ‘i dyfishtë’ – përzierje e Covid-19 më grip sezonal.

‘Florona’ ka vënë alarmin mes studiuesve të mjëksisë, pasi derisa dimrin e kaluar kishte më pak sesa zakonisht numër të rasteve me grip sezonal, për shkak të kufizime të Covid-19, këtë vit u shënua rritje në numrin e njerëzve të infektuar me grip sezonal, përcjell lajmi.net. Në Izrael, rreth 2000 njerëz janë të shtruar në spitale, me grip sezonal.

Por, cilat janë simptomat e ‘Florona’?

Sikur Covid-19, edhe gripi janë sëmundje që lidhen me frymëmarrjen, pra që sulmojnë rrugët e frymëmarrjes. Ata gjithashtu kanë simptoma të ngjashme. Temperatura e lartë, rrjedhje hundësh, humbje oreksi, dhimbje fyti, dhimbje koke, kollë e lodhje janë disa nga simptomat.

‘Florona’ thuhet se ka bërë këto simptoma më të këqija, ose më intense sesa një infeksion i thjeshtë, meqë ky infeksion shihet i dyfishtë.

Trajtimi?

Nuk ka trajtim tjetër për ‘Florona’, përveç atyre që janë përdorur deri më tani për Covid-19 dhe gripin sezonal.

Për gripin nuk ka tretman të saktë, por njerëzit e trajtojnë duke pushuar, me lëngje, barëra për ndaljen e dhimbjeve dhe gjëra të ndryshme.