Gianluigi Buffon po mendon seriozisht të largohet nga futbolli i luajtur, me portierin 40 vjeçarë që nuk premton më siguri.

Ky fakt nuk ka trembur aspak drejtuesit e gjigandëve argjentinase, Boca Juniors që janë të gatshëm të bëjnë një lëvizje sensacionale për gardianin e Juventusit.

Siç pohon “Radio Continental” Carlos Tevez do të përpiqet të bindë shokun e tij të vjetër për të pranuar transferimin në Buenos Aires në qershor.

Buffon luan prej vitit 2001 me bardhezijtë, ndërsa nëse pranon një transferim në Argjentinë, kjo do të ishte eksperienca e parë e portierit jashtë kufijve italian. Në Itali, Buffon është aktivizuar me dy skuadra, Parma dhe Juventus.