Ambasadori i Shteteve të Bashkuara të Amerikës në Kosovë, Greg Delawie, kryesuesi i Këshillit Gjyqësor të Kosovës, Nehat Idrizi, dhe kryetari i Gjykatës Supreme, Fejzullah Hasani, do të flasin me rastin e fillimit të nismës së integritetit publik.

Sipas një njoftimi, kjo ngjarje shënon fillimin e nismës së integritetit publik të programit Forcimi i Sistemit të Drejtësisë (JSSP), i cili ka për qëllim të mobilizojë gjykatësit dhe qytetarët për t’iu përkushtuar kulturës së integritetit, llogaridhënies, efikasitetit, dhe transparencës.

Ngjarja synon që të përfitojë nga miratimi i Kodit të ri të etikës për gjykatësit dhe personelin e gjykatave për t’i dhënë një shtytje përkushtimit të plotë nga ana e gjyqtarëve, ndaj respektimit të standardeve më të larta të integritetit gjatë të ushtruarit të detyrave të tyre.