Grupi i qytetarëve #Protestoj për herë të nëntë do të mblidhen sot për të protestuar siç thonë kundër korrupsionit “që tashmë ka depërtuar në instancat më të larta shtetërore”.

Përmes thirrjes publike në faqen e tyre në Facebook #PROTESTOJ kërkojnë transparencë dhe llogaridhënie politike nga të gjithë personat e përfshirë në përgjimet ku protagonistë janë zyrtarë të lartë të shtetit, kryesisht të PDK-së.

“Kërkojmë hetim penal ndaj tyre, si dhe kërkojnë shkarkimin e bordeve dhe rizgjedhjen e tyre”, thuhet në thirrjen e tyre për protestë.  Sikurse edhe herave tjera protesta do të fillojë nga ora 17:00 në sheshin “Zahir Pajaziti”.