Alexander-Arnold përfundon në radarin e Real Madridit

Prishtinë | 23 Sht 2021 | 14:03 | Nga Ekonomia Online

Real Madridi thuhet se ka futur në listën e dëshirave mbrojtësin e Liverpoolit, Trent Alexander-Arnold.

Pavarësisht mbylljes së afatit kalimtar veror, klubet e mëdha evropiane janë ende duke lëvizur për të negociuar nënshkrimet e ardhshme.

Nuk ka asnjë moment të vetëm pauze dhe një nga ata që duhet të qëndrojë aktiv është Real Madrid, i cili pas dështimit të transferimit të Kylian Mbappe, tani po mendon për një emër tjetër të madh.

Kjo është arsyeja pse Florentino Perez thuhet se po shikon prej ditësh tregun evropian për të forcuar pozicione të ndryshme. Dhe një nga ato që dhemb më shumë është mbrojtja.

Sipas mediumit El Nacional, Presidenti i Los Blancos është i qartë se një nga mundësitë për përmirësim të mëtejshëm është të sjellë yllin e Liverpoolit, Alexander-Arnold.

Los Blancos janë gati të sjellin një mbrojtës të ri të djathtë gjatë verës së vitit 2022 dhe ylli anglez shihet si lojtari me potencialin më të madh për planet e tyre.

Alexander-Arnold është 22-vjeçar dhe njihet për asistimet e shumta që ka bërë te Liverpooli për katër vjet sa është pjesë e ekipit të parë. /Telegrafi

Të ngjashme