Trajneri i Napolit, Carlo Ancelotti, nuk e di nëse James Rodriguez do të vijë te ky klub këtë verë.
Përfaqësuesi i Kolumbisë është njëri prej caqeve kryesore të nënkampionit të Serie A, si dhe i preferuar i trajnerit të tyre.
“Nuk e di nëse do të vijë, por shpresoj që po”, ka thënë Ancelotti.
“E njoh shumë mirë, mund të luajë në të gjitha pozitat e mesfushës. E kam përdorur si lojtar të krahut të majtë, si numër dhjetë e madje edhe në të djathtë”.