Milani dhe Zlatan Ibrahimovici thuhet të kenë arritur marrëveshje për nënshkrimin e kontratës së re, e cila do të jetë valide deri në qershor 2022.

Kontrata që 39-vjeçari pritet ta nënshkruajë në ditët në vijim kap vlerën prej 6.5 milionë eurosh.

Duke i përfshirë edhe bonuset, sulmuesi veteran pritet të përfitojë shtatë milionë euro për 12 muaj, derisa Sky Sport Italia raporton se nënshkrimi do të ndodhë brenda dhjetë ditësh.

Ndërkohë, sipas SportMediaset, Rossonerët dhe lojtari mund ta nënshkruajë kontratën që nesër (e martë) duke e konfrimuar qëndrimin e Ibras edhe për një sezon tjetër.

Në bazë të marrëveshjes, Zlatan do të përfitojë 6.5 milionë euro plus 500.000 euro të tjera në rast të kualifikimit në Ligën e Kampionëve.

Gjatë sezonit 2020/2021, Ibrahimovic ka shënuar 15 gola në 16 paraqitje në Serie A dhe i ka ndihmuar Milanit që të pozicionohet në vend të dytë në renditjen tabelare.