Evertoni është skuadra e radhës që ka hyrë në garë për sulmuesin e Manchester Cityt, Sergio Aguero.
Sipas mediave angleze, skuadra e udhëhequr nga trajneri Carlo Ancelotti do të tentojë ta bindë sulmuesin argjentinas të transferohet në “Goodison Park”.
Aguero do të largohet nga “Qytetarët” në fund të këtij sezoni si futbollist i lirë pasi nuk ka pranuar vazhdimin e kontratës.
Për sulmuesin argjentinas interesim të vazhdueshëm kanë shprehur edhe Chelsea, Tottenhami dhe Barcelona.