Liga Premier ka përzgjedhur katër kompani Blockchain për licencën e saj zyrtare të tokenit të pandryshueshëm (NFT), sipas Daily Mail.

Raportimi bën të ditur se skuadrat kryesore të futbollit anglez po shqyrtojnë ofertat që ofrojnë kthime midis 250 milionë dhe 530 milionë euro gjatë katër viteve. Lista përfundimtare thuhet se përbëhet nga Sorare, Candy Digital, Dapper Labs dhe ConsenSys.

Ofertuesi për koleksionet dixhitale të Ligës Premier, të cilat do t’u prezantohen klubeve para fundit të shkurtit, thuhet se do të fitojë një licencë zyrtare për të prodhuar një sërë produktesh të bazuara në blockchain – duke përfshirë NFT.

Dapper Labs tashmë ka marrëveshje me Shoqatën Kombëtare të Basketbollit (NBA) dhe Ligën Kombëtare të Futbollit (NFL), secila sipas raportimeve me vlerë 20 milionë euro në vit. Candy Digital ka një partneritet NFT me Major League Baseball (MLB).

Sipas Mail, vonesa e Ligës Premier në shpalljen e një tenderi ka lejuar që tregu të rritet, duke tërhequr kthime më të mëdha të garantuara pasi kompanitë Blockchain tërhiqen nga bazat globale të tifozëve të klubeve angleze të futbollit.

Megjithatë, prania e Sorares është potencialisht e diskutueshme. Rregullatori i industrisë së Komisionit të Lojërave të Fatit në Mbretërinë e Bashkuar hapi një hetim ndaj kompanisë franceze në tetor pasi ajo nisi një lojë ‘Fantasy Futboll’ të bazuar në Blockchain pa marrë një licencë në Mbretërinë e Bashkuar. Ky hetim mbetet në proces e sipër.

Një deklaratë e Komisionit të Lojërave të Fatit e lëshuar në atë kohë u kërkoi tifozëve të shmangin përdorimin e një platforme të parregulluar.

“Konsumatorët këshillohen të marrin në konsideratë këtë informacion kur të vendosin nëse do të ndërveprojnë apo jo me ueb faqen”, thuhet në deklaratë.

EXCL: Gambling Commission probes French company among four bidders for Premier League's NFT licence, which could deliver over £400million in four years | @MattHughesDM https://t.co/c6rVFgn60j

— MailOnline Sport (@MailSport) February 18, 2022

Nga ana e saj, Sorare ka lëshuar një deklaratë për MailSport duke thënë se mirëpret kontrollin e rregullatorit dhe se “beson fuqimisht” që përdoruesit e tyre “nuk janë duke vënë baste në MB ose në ndonjë juridiksion tjetër në të cilin ne operojmë”.

Liga Premier është në dijeni të hetimit dhe thuhet se ka vënë në dukje se është një ‘shqetësim’ pavarësisht se ka përfshirë Sorare në listën e ngushtë.