Sulmuesi i Juventusit, Cristiano Ronaldo e ka pohuar se rivaliteti i tij i gjatë me Lionel Messi ishte i shëndosh për të dy lojtarët.

Portugezi, duke folur për France Football, shpjegoi se si dyshja shtynë njeri-tjetrin drejt madhështisë, duke vazhduar të jenë rival edhe për një tjetër ‘Top të Artë’.

“Përballja me njëri-tjetrin në Spanjë na lejoi të përmirësohemi. Kur isha te Real Madrid, e ndjeva këtë presion. Ishte një rivalitet i shëndosh”.

I pyetur për golin e tij të preferuar, ish-ylli i Real Madrid zgjodhi goditjen më e gërshërë kundër Juves në çerekfinalen e Ligës së Kampionëve të vitit 2017-18.

“Para së gjithash ju duhet talenti, përndryshe nuk do të arrini shumë. Sidoqoftë, talenti është i kotë pa punë të palodhur”.

“Nuk do të kisha arritur kurrë atje ku jam sot pa kulturën e punës së palodhur”, ka thënë Ronaldo./Telegraf