Mesfushori francez, Paul Pogba, nuk do të mund të transferohet te Juventusi gjatë afatit kalimtar të kësaj vere, për shkak të kërkesave të larta nga Manchester United.
Agjenti i Paul Pogbas, Mino Raiola, ka konfirmuar se futbollisti e dëshiron largimin nga “Old Trafford” gjatë kësaj vere, teksa dëshiren e njejtë e ka shprehur edhe vetë futbollisti.
‘Daily Mail’ raporton se Juventusi nuk do ta transferojë Pogban këtë verë, pavarësisht se Pogban e duan në skuadër për të ringjallur mesfushën e tyre.
Pavel Nedved[nënkryetari i Juventusit] raportohet se ka biseduar tashmë me Raiolan për ta informuar se ‘Zonja e Vjetër’ nuk mund të nënshkruajë me francezin për shkak të kërkesave të larta nga Manchester United. Raiola njihet si mik shumë i mirë me Nedvedin dhe ishte agjent i tij i dikurshëm.
Nga kjo situatë mund të përfitoi Real Madridi, të cilët gjithashtu janë të interesuar për transferimin e Paul Pogbas.